ഇന്ത്യന് വോളിബോള് ഇന്ന് ഒരു കുതിപ്പിന്റെ ഘട്ടത്തിലാണ് എന്നാണു നമ്മുടെ റാങ്കിംഗ് നില സൂചിപ്പിക്കുന്നത്. ലോകറാങ്കിങ്ങില് മുപ്പതാം സ്ഥാനത്തേക്ക് ഉയര്ന്ന ഇന്ത്യക്ക് മുകളിലായി റാങ്കിങ്ങില് പത്താംസ്ഥാനത്തുള്ള ചൈന, പന്ത്രണ്ടാമാതുള്ള ഇറാന്, പതിനഞ്ചാംസ്ഥാനത്തുള്ള ജപ്പാന്, ഇരുപതാംസ്ഥാനക്കാരായ കൊറിയഎന്നീരാജ്യങ്ങള് മാത്രമാണ് ഏഷ്യന് മേഖലയില്നിന്നുള്ളത്.നൂറ്റിഇരുപത്തി മൂന്നു രാജ്യങ്ങള് സജീവമായി രംഗത്തുള്ള ഒരു കായിക ഇനത്തിലാണ് ഇന്ത്യ ഈയൊരു സ്ഥാനം കരസ്ഥമാക്കിയത്. ഇരുനൂറ്റി ആറ് രാജ്യങ്ങള്രംഗത്തുള്ള ഫുട്ബോളില് നമുക്കുള്ള നൂറ്റി അമ്പത്തെട്ടാംറാങ്കും എണ്പത്തി മൂന്നു രാജ്യങ്ങള് പങ്കെടുക്കുന്ന ബാസ്കറ്റ് ബോളില് നമ്മുടെ അമ്പത്തി എട്ടാം റാങ്കും കണക്കിലെടുക്കുമ്പോള് ലോക വോളിബോളില് നമ്മുടെ നില ഏറെ മോശമല്ല എന്ന് മനസ്സിലാക്കാം. പതിറ്റാണ്ടുകളോളം നമ്മുടെ അധീശതയിലായിരുന്ന ഹോക്കിയില് പോലും ഇന്ത്യ ഇന്ന് പത്താംസ്ഥാനത്താണ്. ഇതൊക്കെ പറയാമെങ്കിലും വോളിബോളില് ഏഷ്യന് നിലവാരത്തില് മുന്നേറാന് പോലും നമുക്ക് ഏറെ ദൂരം സഞ്ചരിക്കാനുന്ടെന്ന തിരിച്ചറിവാണ് നമ്മുടെ അധികാരികള്ക്ക് വേണ്ടത്.
നാം ആദ്യം ശ്രമിക്കേണ്ടത് ഏഷ്യയിലെ ഏറ്റവും കരുത്തരായ വോളിബോള് ശക്തിയായി മാറാനാണ്. ഇവിടെ നാം മാതൃകയാക്കേണ്ടത് ഇറാനെയാണ്. ആയിരത്തി തൊള്ളായിരത്തി എണ്പത്തി ഏഴില് ഏഷ്യയിലെ പത്താം സ്ഥാനക്കാരായ ഇറാന് കൃത്യമായ ഗെയിം പ്ലാനും ചിട്ടയായ പരിശീലനവും വഴി ഇന്ന് ഏഷ്യന് ചമ്പിയന്ഷിപ്പിലെ ഏറ്റവും നിര്ണായക ശക്തിയും നിലവിലെ ജേതാക്കളുമാണ്. ഈ നേട്ടം അവര് കൈവരിച്ചത് പടിപടിയായാണ്. അന്താരാഷ്ട്ര മത്സരങ്ങളിലെ പരിചയക്കുറവാണു പലപ്പോഴും നമ്മുടെ ടീം അധികൃതര് ചൂണ്ടിക്കാണിക്കാറുള്ള ഒരു പോരായ്മ.
പലപ്പോഴും ജൂനിയര് തലങ്ങളില് അന്താരാഷ്ട്രമത്സരങ്ങളില്പോലുംമികവു തെളിയിച്ച പലരും സീനിയര് ടീമില് ഇടം കണ്ടെത്തുമ്പോള് അവസരത്തിനൊത്ത് ഉയരുന്നത് കാണാറില്ല. നവീന് രാജയെപ്പോലുള്ള ചുരുക്കം
ചില താരങ്ങളുടെ നിലവാരം ഒഴിച്ച് നിര്ത്തിയാല് ഭൂരിഭാഗം പേരുടെയും അവസ്ഥ അതാണ്. സീനിയര് തലത്തിലുള്ള മത്സരങ്ങളിലേക്ക് ഇവരെ നേരെ എറിഞ്ഞു കൊടുക്കുന്ന രീതിയാണ് ഇന്ന് അവലംബിച്ചു പോരുന്നത്. ഇതിനു പകരം ഇവരെ എല്ലാ തരത്തിലുംവാര്ത്തെടുക്കാനുള്ള അവസരം സൃഷ്ടിക്കുന്ന വിദേശ ടൂറുകള് മത്സരങ്ങള്ക്ക് മുന്നോടിയായി നടത്തിയേ തീരൂ. വിവര സാങ്കേതികത ഏറെ വികസിച്ച ഈ കാലത്ത് യൂ ട്യൂബില് പോലും മികച്ച കളികളുടെ ക്ലിപ്പിങ്ങുകള് ലഭ്യമായിരിക്കെ, ഇവയൊന്നും പ്രയോജനപ്പെടുത്താത്ത അശാസ്ത്രീയ പരിശീലന രീതിയാണ്നാംആദ്യം മാറ്റേണ്ടത്.
ചില താരങ്ങളുടെ നിലവാരം ഒഴിച്ച് നിര്ത്തിയാല് ഭൂരിഭാഗം പേരുടെയും അവസ്ഥ അതാണ്. സീനിയര് തലത്തിലുള്ള മത്സരങ്ങളിലേക്ക് ഇവരെ നേരെ എറിഞ്ഞു കൊടുക്കുന്ന രീതിയാണ് ഇന്ന് അവലംബിച്ചു പോരുന്നത്. ഇതിനു പകരം ഇവരെ എല്ലാ തരത്തിലുംവാര്ത്തെടുക്കാനുള്ള അവസരം സൃഷ്ടിക്കുന്ന വിദേശ ടൂറുകള് മത്സരങ്ങള്ക്ക് മുന്നോടിയായി നടത്തിയേ തീരൂ. വിവര സാങ്കേതികത ഏറെ വികസിച്ച ഈ കാലത്ത് യൂ ട്യൂബില് പോലും മികച്ച കളികളുടെ ക്ലിപ്പിങ്ങുകള് ലഭ്യമായിരിക്കെ, ഇവയൊന്നും പ്രയോജനപ്പെടുത്താത്ത അശാസ്ത്രീയ പരിശീലന രീതിയാണ്നാംആദ്യം മാറ്റേണ്ടത്.
ഈ പോരായ്മകകളൊന്നും തന്ന നികത്താനള്ള ഒരു നീക്കവും ബന്ധപ്പെട്ട കേന്ദ്രങ്ങളില്നിന്ന് കാണാറില്ല എന്നതാണ് ഖേദകരമായവസ്തുത. വിദേശ രാജ്യങ്ങളില് നിന്നുള്ള സൌഹൃദ മത്സരങ്ങള്ക്കായുള്ള ക്ഷണം പോലും ചുവപ്പ് നാടയില് കുരുങ്ങി ചിതലരിച്ചു പോയ ഏറെ സംഭവങ്ങളുണ്ട് സമീപ കാലങ്ങളില്. പരാജയങ്ങളില് നിന്ന് പാഠം ഉള്ക്കൊള്ളാത്തതാണ് നമ്മുടെ പരാജയം. ശോഭനമായ ഭാവിയുള്ള കായിക ഇനങ്ങള്ക്ക് ആവശ്യമുള്ള ഫണ്ട് ലഭ്യമാക്കാതെ ഏതെങ്കിലും ചില കളികളെ മാത്രം പ്രോത്സാഹിപ്പിക്കുന്ന അധികാരികളുടെ മനോഭാവം മാറാതെ ഇത്തരം കളികള് രക്ഷപ്പെടാന് പോകുന്നില്ല.
അപ്പോ ഞാന് തേങ്ങയുടച്ചു... നല്ല തുടക്കം.. നമ്മുക്ക് ആത്മവിശ്വാസം ഉള്ള വിഷയം വെച്ച് എഴുത്തിതുടങ്ങുക
ReplyDeleteസീനിയർ തലത്തിലെത്തി ജോലിയിൽ പ്രവേശിയ്ക്കുന്നതോടെ കളിക്കാരുടെ വളർച്ച മുരടിയ്ക്കുന്നു എന്നാണോ? ഓരോ വർഷവും പെർഫോമൻസ് അനുസരിച്ച് ക്ലബ്ബുകൾ മാറാവുന്ന (അതോടൊപ്പം പ്രതിഫലവും )സഹചര്യം വന്നാൽ മെച്ചപ്പെടുമോ?
ReplyDeleteനന്നായി എഴുതി, ആഷിഖ്!
This comment has been removed by the author.
ReplyDeleteനന്ദി ഷാനു! ബിജൂ, നമ്മുടെ നാട്ടില് ക്ലബ് സംസ്കാരമില്ല; ഡിപാര്ട്ട്മെന്റ് ടീമുകള് മാത്രമാണുള്ളത്. ഉന്നത നിലവാരമുള്ള കളിക്കാര് ഡിപാര്ട്ട്മെന്റില് ചേര്ന്നാല് പോലും അവര് കളിയില് തന്നെയാണ് ശ്രദ്ധിക്കുന്നത്. ദേശീയ ടീമിലേക്ക് സെലക്ഷന് കിട്ടിയാല് അവര് പിന്നെ ദേശീയ ക്യാമ്പിന്റെ ഭാഗമായി മാറും. ജോലിയും അവരുടെ പ്രകടനവും തമ്മില് സാധാരണയായി ബന്ധമൊന്നുമില്ല . എനിക്ക് നേരിട്ട് അനുഭവമുണ്ട്. നമ്മുടെ ടീമിനെ ഖത്തര് ഒരു ത്രിരാഷ്ട്ര സൌഹൃദ മത്സരത്തിനു ക്ഷണിച്ചപ്പോള്, (എയര് ടിക്കറ്റ് ഒഴികെ എല്ലാ ചെലവും ഖത്തര് വഹിക്കാംഎന്നും എയര് ടിക്കറ്റ് വോളിഖ് ഏറ്റെടുക്കാമെന്ന് പറഞ്ഞിട്ടും) ഗവന്മേന്റ്റ് അനുമതി വേണമെങ്കില് മാസങ്ങള്ക്ക് മുമ്പേ അപേക്ഷ കൊടുക്കണമെന്ന് പറയുകയും ഇപ്പോള് വരാന് നിവൃത്തിയില്ലെന്ന് പറഞ്ഞു ഒഴിഞ്ഞു മാറുകയുമാണ് അവര് ചെയ്തത് . ഇക്കാര്യത്തിന് സ്വന്തം കാശും സമയവും ചെലവാക്കി ചെന്നൈ യില് പോയ ഞാന് മണ്ടന്!
ReplyDeleteതാങ്കളുടെ എഴുത്തിലൂടെ വോളിബാള് കളിയുടെ പ്രാധാന്യവും ഇപ്പോഴത്തെ ഇന്ത്യയുടെ റാങ്കിങ്ങ നീലയും മനസ്സിലാക്കാന് കഴിഞ്ഞു.
ReplyDeleteലോകറാങ്കിങ്ങില് മുപ്പതാം സ്ഥാനത്തേക്ക് ഉയര്ന്ന ഇന്ത്യക്ക് മുകളിലായി റാങ്കിങ്ങില് പത്താംസ്ഥാനത്തുള്ള ചൈന, പന്ത്രണ്ടാമാതുള്ള ഇറാന്, പതിനഞ്ചാംസ്ഥാനത്തുള്ള ജപ്പാന്, ഇരുപതാംസ്ഥാനക്കാരായ കൊറിയഎന്നീരാജ്യങ്ങള് മാത്രമാണ് ഏഷ്യന് മേഖലയില്നിന്നുള്ളത്.നൂറ്റിഇരുപത്തി മൂന്നു രാജ്യങ്ങള് സജീവമായി രംഗത്തുള്ള ഒരു കായിക ഇനത്തിലാണ് ഇന്ത്യ ഈയൊരു സ്ഥാനം കരസ്ഥമാക്കിയത്. ഇരുനൂറ്റി ആറ് രാജ്യങ്ങള്രംഗത്തുള്ള ഫുട്ബോളില് നമുക്കുള്ള നൂറ്റി അമ്പത്തെട്ടാംറാങ്കും എണ്പത്തി മൂന്നു രാജ്യങ്ങള് പങ്കെടുക്കുന്ന ബാസ്കറ്റ് ബോളില് നമ്മുടെ അമ്പത്തി എട്ടാം റാങ്കും കണക്കിലെടുക്കുമ്പോള് ലോക വോളിബോളില് നമ്മുടെ നില ഏറെ മോശമല്ല എന്ന് മനസ്സിലാക്കാം.
മറ്റ് കളികളുമായുള്ള താരതമ്യ പഠനവും എല്ലാം നന്നായി എഴുതി
ആശംസ്കല് ആഷിക്
ആശംസകള്...
ReplyDeleteനമുക്ക് ക്രിക്കറ്റ് മാത്രമാണു ആകെയുള്ള ഒരു സ്പോർട്സ്(?). അത് കോടികൾ മറിയുന്ന ഒരു ബിസ്സിനസ്സാണ്. കോടിയ്ക്ക് താഴെയുള്ള സംഖ്യയൊന്നും വായിച്ചാൽ മനസ്സിലാവില്ല.അതുകൊണ്ട് ക്രിക്കറ്റൊഴിച്ച് ബാക്കി കാര്യങ്ങളൊന്നും ആർക്കും അറിയുകയും വേണ്ട......വോളീബോളോ അതെന്താ സാധനം?
ReplyDeleteകളിക്കാരെയും ഓട്ടക്കാരെയും ചാട്ടക്കാരെയും നീന്തൽക്കാരെയുമെല്ലാം ഇതു പോലെ അവഗണിയ്ക്കുന്ന മറ്റൊരു സ്ഥലവുമുണ്ടാവില്ല എന്ന് പലപ്പോഴും തോന്നിപ്പോയിട്ടുണ്ട്.
ഇനിയും എഴുതുക.
ഇത്തരം പുതിയ അവലോകനങ്ങള് ഇനിയും ആവാം ,കാത്തിരിക്കുന്നു .
ReplyDelete